Կասպից ծովի տարածաշրջանում միջուկային սպառնալիք կա. հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան Սանկտ Պետերբուրգի ֆորումի շրջանակներում կայացած OANA-ի XIX Գլխավոր ասամբլեայում։
Նրա խոսքով՝ Ռուսաստանը ամեն ինչ անում է Իրանի և Իսրայելի շուրջ ստեղծված իրավիճակը բանակցային սեղանի շուրջ վերադարձնելու համար։
«Մենք կոչ ենք անում և անում ենք ամեն ինչ՝ կողմերին բանակցային սեղանի շուրջ վերադարձնելու համար, մենք հասկանում ենք, թե ինչ ֆիզիկական սպառնալիք է սա ամբողջ տարածաշրջանի համար, որին մենք պատկանում ենք։ Կա Կասպից ծովը։ Կասպից ծովը միայն Իրանը չէ։ Կասպից ծովը մի քանի պետությունների է, այդ թվում՝ մեր երկրի։ Սա մեզ համար անմիջական նշանակություն ունի։ Իսրայելը մուտք ունի մեկ այլ ջրային ավազան, որը սահմանակից է մի շարք այլ պետությունների։ Հիշե՛ք Ֆուկուսիման։ Ճապոնիան հնարավորություն ուներ տեղայնացնելու աղետը», – նշեց Ռուսաստանի արտաքին գործերի նախարարության ներկայացուցիչը։
Նա ընդգծեց, որ Իսրայելի հարվածների պատճառով աշխարհը ընդամենը մի քանի սանտիմետր է հեռու միջուկային աղետից։
Ռուսաստանի արտաքին գործերի նախարարության ներկայացուցիչը նաև նշել է, որ Իրանի միջուկային ծրագիրը պետք է լինի բանակցությունների առարկա, այլ ոչ թե ագրեսիվ գործողությունների։
