Հունվարի 15-ի գիշերը «Շերատոն» հյուրանոցի մոտ հարձակման է ենթարկվել նախկին վարչապետ և ընդդիմադիր «Հանուն Վրաստանի» կուսակցության հիմնադիր Գիորգի Գախարիան. հայտնում են տեղական լրատվամիջոցները։
Քաղաքական գործչին տեղափոխել են հիվանդանոց։ Բժիշկները նրա մոտ քթի կոտրվածք և ուղեղի ցնցում են ախտորոշել, սակայն Գախարիան հրաժարվել է հոսպիտալացումից։
Ականատեսների վկայությամբ՝ հարձակմանը մի քանի մարդ է մասնակցել, որոնց թվում իբր եղել են «Վրացական երազանք»-ի պատգամավոր Դմիտրի Սամխարաձեն և Աջարիայի Գերագույն խորհրդի անդամ իշխանական կուսակցությունից Գեորգի Մանվելիձեն։
Վրաստանի ՆԳՆ-ն քրեական գործ է հարուցել ծեծի հոդվածով։
