Հայաստանի պաշտպանության նախարարության տարածած տեղեկատվությունը, թե օգոստոսի 4-ին` տեղական ժամանակով մոտավորապես ժամը 13:10-ին, ադրբեջանական բանակի ստորաբաժանումները կրակ են բացել Սյունիքի մարզում մարտական դիրքերի միջև ճանապարհային աշխատանքներ կատարող էքսկավատորի վրա, իրականությանը չի համապատասխանում. հայտնել է Ադրբեջանի պաշտպանության նախարարությունը։
Ինչպես ավելի վաղ հայտնել ենք, ՀՀ ՊՆ-ը լուր է տարածել, որ օգոստոսի 4-ին՝ ժամը 13:10-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Վերիշեն բնակավայրից 4500 մետր հյուսիս-արևելք ընկած հատվածում միջդիրքային ճանապարհների կառուցման աշխատանքներ իրականացնող էքսկավատորի ուղղությամբ:
Տուժածներ չկան:
Ադրբեջանական կողմին կոչ ենք անում հետաքննել կրակոցի փաստը և հանդես գալ հրապարակային պարզաբանումներով։
