Վրաստանի սահմանը հատած 700 հազար ՌԴ քաղաքացիներից 600 հազարը նորից է հատել Վրաստանի սահմանը՝ դեպի դուրս
Ուկրաինա ռուսական ներխուժումից հետո Ռուսաստանից Վրաստան տեղափոխված շուրջ 100 հազար մարդ մնացել է Վրաստանում. հայտնել է Վրաստանի նախագահ Սալոմե Զուրաբիշվիլին. գրում է «Ալիք Մեդիան»:
Radio France-ին տված հարցազրույցում նախագահ Զուրաբիշվիլին հայտարարել է, որ զորահավաքից հետո 700 հազար ՌԴ քաղաքացի է հատել Վրաստանի սահմանը, որից 600 հազարը մեկնել է տարբեր ուղղություններով, այդ թվում՝ Հայաստան, Թուրքիա և եվրոպական երկրներ:
Ըստ նախագահի՝ Ուկրաինա Ռուսաստանի ներխուժումից հետո Վրաստան է մուտք գործել նաև մոտ 30 հազար ուկրաինացի փախստական, որոնց մի մասը վերադարձել է Կիև՝ իրավիճակի կայունացումից հետո։
«Երբեմն ներքին բանավոր առճակատումներ լինում են, սակայն, ընդհանուր առմամբ, Վրաստան ժամանած և ներկայում այստեղ հաստատված Ռուսաստանի քաղաքացիները չեն կիսում պուտինյան Ռուսաստանի ճակատագիրը»,- ասել է Զուրաբիշվիլին:
