«Բաքվի և Երևանի հաշտեցման, տարածաշրջանում կայուն խաղաղության և երկարաժամկետ կայունության հաստատման միակ բանալին Ռուսաստանի, Հայաստանի և Ադրբեջանի ղեկավարների եռակողմ հայտարարությունների լիարժեք իրականացումն է», -այսօր լրագրողների հետ հարցուպատասխանի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նա մեղադրել է ԵՄ-ը այս գործընթացին միջամտելու և Ռուսաստանին դուրս թողնելու մեջ։
«Մենք, ցավոք, տեսնում ենք ԵՄ-ի հերթական փորձը՝ ամեն գնով միջամտելու Հայաստանի և Ադրբեջանի միջև հարաբերությունների կարգավորմանը, ինչպես նաև նկատում ենք մեր երկրի միջնորդական ջանքերը դուրս մղելու փորձ»,- ասել է Զախարովան։
Եվրամիության միջնորդական ջանքերի արդյունավետության վերաբերյալ էլ կասկած է հայտնել։
