ՄԱԿ-ի Գլխավոր ասամբլեայի 80-րդ նստաշրջանում իր ելույթի ժամանակ Ադրբեջանի նախագահ Իլհամ Ալիևը նշել է, որ Ադրբեջանը առաջ է քաշել միջազգային իրավունքի վրա հիմնված հինգ հիմնարար սկզբունքներ և ներկայացրել է խաղաղության պայմանագրի նախագիծ։
«Այնուհետև մեր նախաձեռնությամբ սկսվել են նախագծի տեքստի շուրջ բանակցությունները, որոնք տևել են 2022 թվականի հոկտեմբերից մինչև 2025 թվականի ամառը։ Տարբեր սադրանքներից անկախ՝ բանակցությունները դրական արդյունքներ են տվել, քանի որ անցկացվել են բացառապես երկկողմանի հիմունքներով՝ առանց որևէ արտաքին միջամտության», – հայտարարել է Ալիևը։
