Վերջին 3 օրում հրդեհի ավելի քան 70 օջախ է հայտնաբերվել շուրջ 2 տասնյակ նահանգում:
Կրակը հասել է նաեւ Անթալիա, Բոդրում ու զբոսաշրջային այլ քաղաքներ: Հրդեհը վնասել կամ ավերել է ավելի քան 2 հազար շինություն:
Այս պահի տվյալներով հրդեհի հետևանքով մահացել է Թուրքիայի 4 քաղաքացի, 58-ն էլ տարբեր վնասվածքներով ու այրվածքնրով հոսպիտալացված են: Բազմաթիվ բնակավայրերից հարյուրավոր բնակիչներ տարհանվել են: Հրդեհներին մոտ գտնվող հյուրանոցներից ավելի անվտանգ վայրեր են տեղափոխվել մի քանի հազար տեղացի ու օտարերկրացի զբոսաշրջիկ:
Հրդեհաշիջման աշխատանքներում Թուրքիային օգնում են Ռուսաստանը, Ուկրաինան, Ադրբեջանը:
Թուրքիայի նախագահ Ռեջեփ Էրդողանը լրագրողներին հայտնել է, որ հետաքննություն է սկսվել՝ պարզելու հրդեհի բռնկման հարցում մարդկային հնարավոր գործոնը: Թուրքական լրատվամիջոցները գրում են, թե կասկածներ կան, որ հրդեհի բռնկման հետեւում Թուրքիայում ահաբեկչական համարվող «Քրդական աշխատավորական կուսակցությունն» է կանգնած:
