Այս տեմպերով մինչև տարվա վերջ Թուրքիայի ներսում քրդական խնդիր այլևս չի լինի. կարծում է թուրքագետ Արգամ Եղիազարյանը։
Գորշ գայլերի ղեկավար Դևլեթ Բահչելին կոչ է արել PKK-ին հավաքվել Մանազկերտում ու հայտարարել կառույցի լուծարման մասին։
«Մեր առաջարկն այն է, որ Հըդըրելեզի նախօրյակին` 2025 թ. մայիսի 4-ին, Մուշ նահանգի Մալազգիրդ (Մանազկերտ) շրջանում քրդական DEM կուսակցության քաղաքապետի աջակցությամբ PKK-ն ժողով հրավիրի ու հայտարարի ինքալուծարման մասին` վերջ տալով այդ գործին»,- ասել է Բահչելին։
Թուրքագետը գրում է.
Մանազկերտի ընտրությունը պատահական չէ. 1071 թ. Մանազկերտի ճակատամարտը համարվում է Հայկական լեռնաշխարհում ու Փոքր Ասիայում թ(յ)ուրքական տիրապետության մեկնարկի սկիզբը։
Ու այդ ճակատամարտը համարվում է թուրքերի ու բնիկ քրդերի առաջին համագործակությունը։ Այսպես Էրդողանը ցանկանում է Մանազկերտում վերջնականապես վերջ դնել թուրք-քրդական հակամարտությանը (Թուրքիայի ներսում)։
Եթե սրան գումարենք Օջալանի կոչը քրդերին` զենքերը վայր դնելու վերաբերյալ, կարելի է ասել, որ Էրդողանը, Ստամբուլի քաղաքապետի ձերբակալությանը զուգահեռ, որը մեծ ռիսկեր է պարունակում իր իշխանության համար, իր վարկանիշը բարձրացնում է որպես թուրք ժողովրդին «խաղաղություն բերող»։
