Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը Միացյալ Նահանգների հետ բանակցություններ է վարում F-16 կործանիչների մատակարարման շուրջ՝ այն բանից հետո, երբ Վաշինգտոնը հրաժարվեց վաճառել վերջին F-35-երը:
Էրդողանը կիրակի օրը հայտարարել էր, որ ԱՄՆ-ը Թուրքիային առաջարկել է գնել F-16 կործանիչներ այն բանից հետո, երբ երկիրը դուրս է մնացել F-35 մատակարարման ծրագրից:
«Այժմ այս թեմայի շուրջ բանակցությունները (F-16-ի գնում) ընթանում են ցածր մակարդակով: Բայց մենք մեր 1,4 միլիարդ դոլարը (F-35-ի համար վճարված) այս կամ այն կերպ կստանանք: Մեր պաշտպանության նախարարությունը մոտ օրերս բանակցություններ է վարելու ամերիկացի գործընկերների հետ: Իհարկե, մենք այս թեման Բայդենի հետ կքննարկենք Հռոմում G20-ի գագաթաժողովում: Մենք թույլ չենք տա մեր իրավունքները ինչ-որ կերպ խախտվեն»,- Էրդողանի խոսքերը հայտնում է ՌԻԱ գործակալությունը։
