Վերջին օրերին որոշ լրատվամիջոցներ և սոցիալական ցանցեր տարածում են Ադրբեջանի մասին բացարձակապես անհիմն և կեղծ տեղեկություններ. իր սոցցանցերի էջում հայտնել է Ադրբեջանի նախագահի օգնական Հիքմեթ Հաջիևը։
«Վերջերս որոշ լրատվամիջոցներ և սոցիալական ցանցեր բոլորովին անհիմն և կեղծ պնդումներ են տարածել, թե իբր Ադրբեջանը էթնիկ ադրբեջանցիների է հավաքագրել որպես գործակալներ և նրանց տեղակայում է Իրանում՝ Իսրայելի կողմից: Նման անհեթեթ և երևակայության վրա հիմնված պնդումները որևէ կապ չունեն իրականության հետ և ոչ այլ ինչ են, քան դիտավորյալ ապատեղեկատվություն: Մենք կտրականապես մերժում ենք նման կեղծ լուրերն ու անհիմն մեղադրանքները», – ընդգծել է Հիքմեթ Հաջիևը:
