Ադրբեջանական գազը Թուրքիայի միջոցով օգոստոսի 2-ին կհասնի Սիրիա։
Թուրքիայի Քիլիս քաղաքում այդ առիթով պաշտոնական միջոցառում կանցկացվի։
Հիշեցնենք, որ այս տարվա հուլիսին Սիրիայի նոր կառավարության ղեկավր Ահմեդ ալ-Շարաան պաշտոնական այցով գնաց Ադրբեջան:
Մինչ այդ, Անթալիայի դիվանագիտական ֆորումի շրջանակում տեղի ունեցավ հանդիպում նախագահ Ալիևի հետ: Հանդիպումների ընթացքում ադրբեջանական կողմը հայտարարեց «Սիրիայի զարգացմանը հետհակամարտական շրջանում և վերականգնման ու վերակառուցման գործընթացներին նպաստելու պատրաստակամության մասին»:
Ադրբեջանական գազի արտահանումը սիրիական շուկա այդ երկիրը դիտարկում է որպես համագործակցության նոր ուղղություն։
