«Նեթանյահուի վերջը». «Փակագիծ»

Բենեթի կուսակցությունը համաձայնել է ստեղծել կոալիցիոն կառավարություն Լապիդի հետ

Իսրայելում «Յամինա» կուսակցության առաջնորդ Նաֆթալի Բենեթը կարողացավ համոզել իր կուսակցության օրենսդիրներին միանալ կոալիցիայի կառավարության:

«Յամինա» կուսակցության ղեկավար Բենեթի և Յաիր Լապիդի կոալիցիան վերջին մեխն է Իսրայելի վարչապետ Բենյամին Նեթանյահուի՝ իշխանությունը պահպանելու ջանքերի դագաղին:

Յամինա կուսակցությունը կիրակի երեկոյան հայտարարության մեջ նշել է, որ աջակցում է Բենեթի ջանքերին՝ «կանխել հինգերորդ ընտրությունները»՝ ընդունելով կոալիցիոն կառավարության ձևավորումը:

Փորձելով կանխել ընդդիմադիր կոալիցիայի ձևավորումը, Նեթանյահուն առաջարկել էր, որ «Նոր Հույս» կուսակցության նոր առաջնորդ Գիդեոն Սաարի հետ կազմի եռակողմ կառավարություն, որի վարչապետը Սաարը կլիներ 18 ամիս, որին կհաջորդեր Նեթանյահուն՝ երկու տարի և վերջապես՝ Նաֆթալի Բենեթը կլիներ այդ պաշտոնում ընդամենը վեց ամիս: Սաարը մերժեց առաջարկը՝ ասելով, որ համաձայնություն չկա, և որ նրանք ցանկանում են փոխարինել Նեթանյահուին:

©️ #ՓԱԿԱԳԻԾ