Եվլախում հայ-ադրբեջանական այսօրվա բանակցությունների արդյունքում ոչինչ էլ չի փոխվել։
Հայտարարվում է, որ հանդիպմանը քննարկվել են հայ բնակչության վերաինտեգրման, ենթակառուցվածքների վերականգնման և գործունեության կազմակերպման հարցեր։
Ի՞նչ ինտեգրման մասին է խոսքը, եթե Արցախում համարյա հայ չի մնացել, բոլորը բռնագաղթել են։
Վերջին 80-100 ավտոբուսները շուտով կլինեն Ստեփանակերտի Վերածննդի հրապարակում և կտարհանեն վերջին արցախահայերին։
Հիշեցնենք, որ արցախյան կողմը ներկայացրել են Արցախի ԱԺ «Արցախի ժողովրդավարական կուսակցություն» խմբակցության պատգամավոր Դավիթ Մելքումյանը, ռուսական խաղաղապահ զորախմբի հետ համագործակցության ապահովման կենտրոնի տնօրեն Սերգեյ Մարտիրոսյանը։
Ադրբեջանական կողմը ներկայացրել է ծնունդով Մարտակերտից պատգամավոր Ռամին Մամեդովը, որին Ադրբեջանի նախագահը նշանակել էր Արցախի հայ բնակիչների հետ շփումների գծով պատասխանատու:
