Թուրքիայի պաշտպանության նախարար Հուլուսի Աքարը սեպտեմբերի 29-ին Սոչիում Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի բանակցություններից հետո հայտարարել է սիրիական Իդլիբում իրավիճակի կայունացման մասին։
«Ժամանակ առ ժամանակ տեղի են ունենում որոշ խախտումներ, ընդհանուր առմամբ ձեռնարկված միջոցառումների շրջանակներում պահպանվում են զինադադարն ու կայունությունը։ Սոչիում մեր նախագահի և պարոն Պուտինի հանդիպումից հետո իրավիճակն ավելի հանդարտվել է»,- Աքարի խոսքերը մեջբերել է Թուրքիայի պաշտպանության նախարարության կայքը։
Միևնույն ժամանակ նա սիրիական բանակին մեղադրել է Դամասկոսում ահաբեկչությունից հետո Իդլիբում տասը խաղաղ բնակչի մահվան մեջ: «Այդ մարդիկ ոչ մի կապ չեն ունեցել Դամասկոսի իրադարձությունների հետ»,- ՌԻԱ գործակալության հաղորդմամբ՝ ասել է թուրք նախարարը։
