Ադրբեջանն ու Ղրղզստանը կստորագրեն ռազմավարական գործընկերության հռչակագիր

14

Ղրղզստանի նախագահ Սադիր Ջապարովը պաշտոնական այցով կմեկնի Ադրբեջան։ Այս մասին հայտնել է Ղրղզստանի Հանրապետության նախագահի աշխատակազմի արտաքին քաղաքականության բաժնի ղեկավար Ժենբեկ Կուլուբաևը։Նրա խոսքով՝ այցը կկայանա ապրիլի 19-20-ը՝ Իլհամ Ալիեւի հրավերով։ Երկու երկրների ղեկավարները կքննարկեն երկկողմ և բազմակողմ համագործակցության արդիական հարցեր, ինչպես նաև հետագա զարգացման և արդյունավետ համագործակցության կառուցման հեռանկարները։

Նախատեսվում է ստորագրել մի շարք փաստաթղթեր, մասնավորապես՝ Ռազմավարական գործընկերության մասին հռչակագիրը, Միջպետական խորհրդի ստեղծման մասին հուշագիրը, ինչպես նաև միջկառավարական և միջգերատեսչական համաձայնագրեր, որոնք համապատասխանում են պետությունների շահերին»,- ասել է Կուլուբաևը։

Ուղևորությունը տեղի կունենա Ղրղզստանի և Ադրբեջանի միջև դիվանագիտական հարաբերությունների հաստատման 30-ամյակի, ինչպես նաև երկրների միջև Բարեկամության և համագործակցության պայմանագրի ստորագրման 25-ամյակի նախաշեմին։