Ռուսաստանը և Ադրբեջանը բանակցություններ են վարում Բաքվում «Սպուտնիկ V» պատվաստանյութ արտադրելու հնարավորության մասին: Այդ մասին հայտարարել է Ռուսաստանի արտգործնախարար Սերգեյ Լավրովը Ադրբեջանի նախագահ Իլհամ Ալիևի հետ հանդիպման ժամանակ:
«Մեր համապատասխան գերատեսչությունները առարկայական զրույց են վարում այս պատվաստանյութի արտադրությունն Ադրբեջանում կազմակերպելու համար», ասել է Լավրովը:
Նրա խոսքերով, Մոսկվան ցանկանում է ավելի արդյունավետ համագործակցություն ապահովել Բաքվի հետ կորոնավիրուսի դեմ պայքարում: «Սպուտնիկ V» պատվաստանյութի առաջին խմբաքանակը վերջերս ժամանեց Ադրբեջան: «Այս ամիս սպասվում է է՛լ ավելի մեծ խմբաքանակ», նշել է Լավրովը:
