ՀՀ քաղաքացիների հաշվին՝ Փաշինյանի «գրեֆը» Ավինյանին:
Պետական բյուջեից 2 մլրդ դրամ կտրամադրեն փոքրամասնության «քաղաքապետին», իբր վերելակներ ու ավտոբուսներ գնելու համար. կառավարության որոշմանն է անդրադարձել Երևանի քաղաքապետարանի «Մայր Հայաստան» խմբակցության ավագանու անդամ Գևորգ Ստեփանյանը:
«Երևանի բյուջեն մսխողներին չի բավարարում 400 միլիոն դոլարը, քանի որ աջ ու ձախ վատնելով՝ կանգնել են փաստի առաջ։
Թանկացումների հեղինակները՝ տրանսպորտից մինչև աղբահանություն ու գույքահարկ, չեն կարողանում քաղաք արդյունավետ կառավարել։
Փաշինյան-Ավինյան տանդեմը որոշել է, որ բացի քաղաքային բյուջեն, կարելի է նաև պետականը վատնել սեփական քմահաճույքով։
Քաղաքի 400 միլիոն դոլար ունեցող բյուջեի ճակատագիրը կարող է արժանանալ ԱՆԻՖ-ի 20 միլիարդի ճակատագրին։
Քիչ մնաց. ալան-թալանի վերջը գալու է…
Գալու է քաղաքացու «վրեժի» ժամանակը, ու դա լինելու է՝ տեղական կամ համապետական ընտրություններին ակտիվորեն մասնակցելով ու մերժելով ներկա խայտառակ վիճակը»,-գրել է նա:
