Սոթքից սահմանն անցած ադրբեջանական ոչխարները վերադարձվել են Ադրբեջանին

Գեղաքունիքի մարզի Սոթքի հատվածում այսօր ադրբեջանական կողմից ոչխարի մեծ հոտ է անցել հայկական կողմ։

Օրվա ընթացքում հայկական կողմը բոլոր ոչխարներին վերադարձրել է Ադրբեջանին։

Հիշեցնենք, որ 2022 թվականի սեպտեմբերյան ագրեսիայից հետո, երբ ադրբաջանցիները 210 քկմ առաջ են եկել դեպի ՀՀ ինքնաիշխան տարածք, ինչի պատճառով հայ-ադրբեջանական «սահմանը» մոտեցել է հայկական գյուղերին, մեր կողմից մի քանի անգամ նախիր ու հոտ է անցել ադրբեջանական կողմ։ Թշնամին ոչ մի անգամ չի վերադարձրել հայ գյուղացիների մանր և խոշոր եղջերավոր անասուներին։

Իսկ ադրբեջանական կողմից սահմանն անցած հոտը հայկական կողմը ոչխար առ ոչխար վերադարձրել է թշնամուն։