Ոստիկանության բարեփոխումների ռազմավարությունը ամենաարդյունավետ ընթացքի մեջ է, այդ փոփոխությունների ճանապարհի մի զգալի մասը անցել ենք, բայց ես կարծում եմ, որ կարևոր է նաև, որ մենք հանրության համար պարզաբանենք, թե այդ փոփոխությունների նշանային և երևացող կամ գուցե չերևացող կարևոր կողմը որն է։ Այս մասին, այսօր կառավարության նիստում հայտարարեց ՀՀ վարչապետ Նիկոլ Փաշինյանը՝ ոստիկանության բարեփոխումների ռազմավարության քննարկման ժամանակ:
«Ընդհանուր առմամբ ի՞նչ է արդեն իսկ փոխվել: Նախկինում մենք ունեինք ոստիկանության մարզային վարչությունների, քաղաքային բաժինների և բաժանմունքների համակարգ, որը 90-ականների սկզբին ներդրվեց: Բոլոր մարզերում, մենք ունենք ուղաձիգ ենթակայության երեք հիմնական կառույցներ՝ առանձին քրեական ոստիկանություն, որտեղ մարզի մասշտաբով է աշխատում քրեական ոստիկանությունը, նոյեմբերից արդեն քրեական ոստիկանությունը ձևավորվեց: Այն ժամանակ վարչություններում և բաժիններում կար քրեական, քրեական բաժիններ, քրեականներ, ինչպես ասում են: Հիմա ամեն մարզում մենք ունենք քրեական ոստիկանություն, որը զբաղվելու է ծանր և առանձնապես ծանր հոդվածներով։
Զուգահեռ մենք ներդրել ենք արդեն համայնքային ոստիկանություններ, որի օպերատիվ հատվածը զբաղվելու է փոքր, ոչ մեծ ծանրության հանցանքների օպերատիվ սպասարկմամբ:
Հաջորդ ուղղությունը պարեկային ոստիկանությունն է։ Եվ հիմա այսօր այս երեք ուղղություններ ունենք։ Ամենակարևոր առանձնահատկությունն ի՞նչ է, որ այս բոլոր կառույցները իրենք ուղղաձիգ ենթակայությամբ ենթարկվելու են ոստիկանության հանրապետական ղեկավարությանը։ Այսինքն էլ մարզային աստիճանակարգություն գոյություն չի ունենալու:
Այստեղ կարևոր է նաև, որ այս երեք ուղղությունները ոստիկանության մարզային մասշտաբի նույն ղեկավարության ներքո չեն աշխատում, ինչը որոշակիորեն նաև հենց ոստիկանության ներսում հակակշիռների մեխանիզմ է ստեղծում: Իհարկե, նրանք շատ սերտ համագործակցելու են, բայց մարզային մասշտաբում նույն ղեկավարին չեն զեկուցելու: Դա հնարավորություն է տալիս, որ մինչև կենտրոնական ներքին ոստիկանության ղեկավարություն, ՆԳՆ զեկույցները չդեֆորմացվեն կամ դեֆորմացված հատվածները դառնան ավելի տեսանելի և նկատելի»,- հայտարարեց Փաշինյանը:
Հաջորդ՝ 4-րդ ուղղությունը, ըստ վարչապետի, ոստիկանության գվարդիան է, որը կունենանք 2026-ի մեկնարկին: Ոստիկանության գվարդիան ոստիկանության զորքերի իրավահաջորդն է լինելու։
Փաշինյանը նշեց, որ այսուհետեւ ոստիկանության զորքերը չեն լինի կենտրոնացած միայն Երեւանում, եւ ստիպված չեն լինի մարզում որեւէ մեծ միջոցառում կազմակերպելու դեպքում, դրանք Երեւանից տեղափոխել մարզ: Այսուհետ մարզերում կլինեն ոստիկանության գվարդիայի ստորաբաժանումներ:
«Իհարկե, այս ընթացքում ատեստավորման գործընթացը, վերապատրաստման գործընթացը, շատ կարևոր է, որ մենք հիմա փորձեցինք նաև քաղաքացիական շրջանակներից նոր ծառայողներ ներգրավել քրեական նորացված ոստիկանության ծառայության մեջ: Իհարկե չենք ասի, թե մասշտաբը մեծ ստացվել: Ընդամենը 33 հոգի են անցան դասընթացները և քննությունները:
