Նորմալ, անգամ կիսանորմալ երկրում արագորեն գործ կհարուցեին. Ա. Պեպանյանը՝ Ն. Հոխիկյանի բացահայտումների մասին

Քաղաքագետ Արծրուն Պեպանյանն անդրադարձել է  լրագրող, մեդիա փորձագետ Նաիրի Հոխիկյանի բացահայտումներին՝ նշելով.  «Նաիրի Հոխիկյանի ելույթը հուսամ լսել եք: Մարդն անուններով ասում է ինչն ինչպես է եղել: Ինքն այս մասին էլի է ասել: Նորմալ, անգամ կիսանորմալ երկրում իրավապահ մարմիններն արագորեն գործ կհարուցեին, հետաքննություն կանցկացնեին, քանի որ պետության ճակատագրի հետ առնչվող հարցի հետ է կապված: Գործ չի հարուցվել, չի հարուցվելու, եթե լինի էլ, ապա անաչառ հետաքննություն չի արվի: ԴՈՒՔ, իհարկե, կտրտնջաք, կբողոքեք, լուտանքներ կթափեք մեր իրավապահ համակարգի գլխին, իսկ ես առաջարկում եմ ինքներս մեզ տանք այս հարցը- Իսկ ինչու է մեր իրավապահ համակարգն այսպիսին: Մի քանի հարց տալուց հետո գալու եք այն մտքին, որի մասին ահազանգում եմ արդեն քառորդ դար- Օտարի լծերի տակ հոգեխեղման ենթարկված, , ներկա աղճատված մենթալիտետն ունեցող մեր ժողովուրդը չի կարող ունենալ անգամ կիսանորմալ պետություն և այն խժռելու է այս մեր պետությունը և ինքն իրեն կործանման տանի, եթե չիրականացնենք մենթալիտետի արմատական փոփոխություն: Իսկ թե ինչպես է հնարավոր դա անել, ներկայացրել եմ 2007-ին լույս տեսած «Կոնսերվատիվ հեղափոխություն» աշխատանքիս մեջ ու անցած 14 տարիներին ահազանգել ու ահազանգել եմ այդ մասին, բայց զրո արձագանք։ Անկեղծ ասած, չգիտեմ էլ՝ ինչ անեմ, որ տեղ հասցնեմ ահազանգս»: Հիշեցնենք՝ Նաիրի Հոխիկյանը ՀՅԴ «Նիկոլ Աղբալյան» ուսանողական միության նախաձեռնած բաց-դասընթաց քննարկման ժամանակ անդրադարձել է նաև արցախյան վերջին պատերազմին՝ ցնցող փաստեր ներկայացնելով պատերազմի՝ Նիկոլ Փաշինյանի վարչախմբի կողմից վաղօրոք պլանավորած լինելու, Արցախի շրջանների, բերդաքաղաք Շուշիի դավաճանական հանձնման և այլնի մասին: Yerkir.am-ը պետական դավաճանության մասին վկայող նշված փաստերն ու վկայությունները հրապարակել էր ամբողջությամբ: