Տավուշցի լրագրող Ոսկան Սարգսյանը գրում է. «Դիլիջանի ՔՊ-ական, «արու» համայնքապետ Դավիթ Սարգսյանը գրքի նվիրման օրը ՝ փետրվարի 19-ին գրքի փոխարեն Երևանի բնակիչ Գրքիկյանին շուկայականից էժան գնով հողամաս է տվել։
Դիլիջանի համայնքի ղեկավար Դ․ Սարգսյանի 2025թ. հունվարի 16-ի թիվ 38-Ա որոշմամբ 2025թ. փետրվարի 17-ին աճուրդի է ներկայացվել Դիլիջան համայնքի սեփականությունը հանդիսացող Բնակավայրերի հողերից 1301․8քմ հողամաս /Լոտ-114 (ՔՀ-24)/, Դիլիջան քաղաքի, Շամախյան փողոց, թիվ 41/4 հասցեում բնակելի կառուցապատման նպատակով, 9112600 դրամ մեկնարկային գնով: Կայացած աճուրդում 9112600 դրամ առավելագույն գնով հաղթել է Երևան քաղաքի, Բելյակովի փողոց, 5 շենք, թիվ 44 բնակարանի բնակիչ Վարդան Գրքիկյանը, որի մասին Դիլիջան համայնքի հողամասերն աճուրդային կարգով օտարող հանձնաժողովի կողմից կազմվեց թիվ 6 արձանագրությունը:
Փետրվարի 19-ին Դիլիջան համայնքի ղեկավար Դավիթ Սարգսյանը որոշել է հաստատել Դիլիջան համայնքի հողամասերն աճուրդային կարգով օտարող հանձնաժողովի թիվ 6 արձանագրությունը և 1301․8քմ մակերեսով հողամասը բնակելի կառուցապատման նպատակով օտարել Երևանի բնակիչ Վարդան Գրքիկյանին»:
