ՀՀ ԱԳՆ-ի դիմաց տեղի է ունենում հակառուսական ակցիա՝ կապված ՌԴ արտգործնախարար Սերգեյ Լավրովի հայաստանյան այցի հետ։
Նույն ժամանակամիջոցին ԱԳՆ-ում տեղի է ունենում Արարատ Միրզոյան-Սերգեյ Լավրով հանդիպումը։
Ակցիան նախաձեռնել է «Հանուն Հանրապետության» կուսակցության նախագահ Արման Բաբաջանյանը, որը ֆեյսբուքյան էջում նախօրոք հայտարարել է.
Արցախի հայաթափումից մինչև Հայաստանի սահմանների ուղղությամբ ադրբեջանցիների ոտնձգություններին, սադրանքների հրահրմանն ու դրանցում անմիջական մասնակցությանը՝ Ռուսաստանը ոչ միայն մեղսակից է, այլ արդեն բացահայտ կերպով շարունակում է իր խաղը Հայաստանի ժողովրդի կյանքի և տարածքների հաշվին՝ հանուն Ադրբեջանի հետ խորացող գործարքների։
Այլևս որևէ ռուսաստանցի պաշտոնյա չպետք է ոտք դնի Հայաստան՝ կարծելով, թե սա իրենց ծայրագավառն է, իսկ այստեղ մարդիկ մոռանում են, լռում կամ վախենում են։ Ո՛չ։ Մենք հիշում ենք։ Մենք չենք լռելու։
Ժամանակն է մեր հիշողությամբ, արժանապատվությամբ և վճռականությամբ ցույց տալու, որ Հայաստանը անկախ է, ինքնիշխան է, և արժանապատիվ վերաբերմունքն այստեղ այլընտրանք չունի։
Այսօր՝ ժամը 11:00-ին, բոլորիդ սպասում ենք ՀՀ ԱԳ նախարարության շենքի առջև։
Ակցիայի մասնակիցները գոչում են՝ Пошел вон, LavrOff:
