Հայոց արաբագիտությունը ծանր կորուստ կրեց, ծանրամարտն էլ չթեթևացավ: Ձեռքներդ հեռու մեր մարզիկների մկանուտ ու քրտնած մարմիններից: Գրում է Հայոց ցեղասպանության թանգարան-ինստիտուտի նախկին տնօրեն, պատմաբան Հայկ Դեմոյանը։
«Եթե նկատել եք, Նիկոլի աշխատակազմի ղեկավար Արայիկ Հարությունյանն իր պաշտոնական կենսագրության մեջ խնամքով թաքցնում է Հայոց ցեղասպանության թանգարան-ինստիտուտ հիմնադրամի Հոգաբարձուների խորհրդի անդամ հանդիսանալը: Ընդամենը ասեմ, 2021 թ. ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում հարուցված թիվ 16871421 քրեական գործի շրջանակում տրված իմ ցուցմունքներում Արայիկ Հարությունյանը մեղադրվում է փողերի լվացման, գումարների յուրացման, իմ ստորագրությամբ ֆինանսական փաստաթղթերի ոչնչացման մեջ հանցակցության, ինչպես նաև կեղծարարության, սուտ տվյալների հանրայնացման, Հայոց ցեղասպանության թանգարան-ինստիտուտին նյութական վնաս հասցնելու:
Ահա այս պատճառով է, որ քրեական գործը չի մտնում դատաքննության փուլ: Քր գործի 16871421 թիվը եթե գրամով հաշվենք, կիլոյով կազմում է 16.871կգ:
Էս քաշը տեսնես քանի տարվա ընթացքում կկարողանա բարձրացնել, որ Հայոց պատմության դպրոցական դասագրքերում էլ հավերժանա…», – գրում է Հայկ Դեմոյանը։
