Այսօր 3 հայ ռազմագերիներ Ռուսաստանի խաղաղապահ զորախմբի հրամանատար Մուրադովի ուղեկցությամբ վերադարձել են Հայաստան։ Այս մասին լրագրողների հետ զրույցում հայտնել է Արցախի ԱԻ նախարարի տեղակալի պաշտոնից ազատված Բորիս Ավագյանը։
«Երեք ռազմագերիները Հայաստան են վերադառնում բացառապես Ռուսաստանի կառավարության, ՌԴ ՊՆ-ի և անձամբ գեներալ Մուրադովի ջանքերով»,- ասել է Ավագյանը։
Գերիների վերադարձից հետո արդեն հաստատված փաստին արագորեն անդրադարձել է փոխվարչապետի պաշտոնակատար Ավինյանի գրասենյակը՝ շտապելով հայ ռազմագերիների վերադարձի ապահովման մեջ Ռուսաստանի ջանքերը «տարածել» նաև ԵԱՀԿ համանախագահող մյուս պետությունների ու միջազգային հանրության ճնշումների վրա։
«ԵԱՀԿ Մինսկի խմբի համանախագահ երկրների ջանքերի արդյունքում և միջազգային հանրության օրեցօր աճող ճնշման պայմաններում Ադրբեջանը վերադարձրել է երեք հայ ռազմագերիների»,- «Արմենպրես»-ին ասել են Ավինյանի գրասենյակից:
