Շան պատճառով ծագած վեճ. Արաքս գյուղի բնակիչը կրակել ու սպանել է համագյուղացուն

Մասիս Ասատրյանը սպшնվել է շան շուրջ ծագած վեճի պատճառով. հայտնում է լրագրող Լիա Սարգսյանը։

Նա տեղեկացնում է.

Արաքսում քիչ առաջ սպшնվեց 39-ամյա Մասիս Ասատրյանը: Սպանության կասկածյալը նույն գյուղից Գրիգոր Բուդուրյանն է:

Վեճը ծագել է շան պատճառով: Մասիսն իր ընկերների հետ կանգնած է եղել գյուղամիջում, երբ Գրիգոր Բուդուրյանը շան հետ անցնելիս է եղել նրանց կողքով Ասատրյանի ընկերներից մեկն ասել է՝ «հեռու տար, կարող ա կծի»: Այս դիտողությունից հետո հնչել են փոխադարձ հայհոյանքներ, որից հետո Բուդուրյանը գնացել է տուն, ապա դանակով հետ վերադարձել: Վիճաբանության կողմին հաջողվել է խլել դանակը, սակայն կարճ ժամանակ անց Բուդուրյանը հետ է եկել հրազենով, և անկանոն կրակ բացել Ասատրյանի և նրա ընկերների վրա:

Լրագրողն ավելի վաղ հայտնել էր, որ որ Արմավիրի մարզի Արաքս գյուղում զենքի գործադրմամբ նոր միջադեպ է եղել: Երկու համագյուղացիների միջև ծագած վեճն այնպես է թեժացել, որ կողմերից մեկը կրակել է մյուսի վրա: Տուժողը հրազենային վիրավորումով տեղափոխվել է հիվանդանոց:

Նկարում՝ ձախից Գրիգոր Բուդուրյանն է, աջից՝ Մասիս Ասատրյանը