Արցախ կատարած այցի շրջանակներում ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանը և ՀԳՄ անդամ Հակոբ Մաթիլյանն այսօր հանդիպել են ՀՅԴ Արցախի Կենտրոնական կոմիտեի ներկայացուցիչ Դավիթ Իշխանյանի և ԿԿ անդամների հետ։
ՀՅԴ Արցախի կառույցի անդամները ներկայացրել են Արցախում ստեղծված հետպատերազմյան իրադրությունը, արցախահայության առջև ծառացած առաջնային խնդիրներն ու մարտահրավերները։ Քննարկվել են համատեղ ծրագրեր մշակելու և դրանք իրականացնելու ուղիները։
Երկուստեք կարևորվել է համահայկական ներուժի կենտրոնացումն Արցախում։
