Կառավարության կայքում հրապարակվել են Ղարաբաղյան հակամարտության կարգավորման բանակցային գործընթացի փաստաթղթերը. հայտարարություն է տարածել Կառավարությունը:
Փաստաթղթերը մեջ է նաև Սերժ Սարգսյանի հայտնի նամակը ՌԴ նախագահ Վլադիմիր Պուտինին, որի մասին բազմիցս նշել է վարչապետ Նիկոլ Փաշինյանը։
Փաստաթղթերի փաթեթին կարող եք ծանոթանալ այստեղ։
***
Հրապարակումից 2-3 ժամ հետո Կառավարության ֆեյսբուքյան էջում գրվել է այս տեքստը.
Փաստաթղթերի մի մասը, մասնավորապես, ՄԱԿ–ի ԱԽ 1992, 1993 թվականների բանաձեւերը մինչ այս էլ առկա էին համացանցում։ Հրապարակային փաստաթղթերը փաթեթում ներառվել են բանակցային գործընթացի ամբողջական տրամաբանությունն ի ցույց դնելու համար։
Ո՞րն է ի վերջո հետեւությունը հրապարակված փաթեթից։ Թերեւս այն, որ Հայաստանում Ղարաբաղյան հակամարտության շուրջ տասնամյակներ շարունակ գոյություն են ունեցել միֆեր, որոնք, ինչ խոսք, ձեւավորվել են Ղարաբաղյան շարժումով իշխանության հասած քաղաքական էլիտայի կողմից։ Նրանք այդ միֆերը ձեւավորել են իրենց իշխանության գալը եւ մնալը արդարացնելու համար ու այդ միֆերը զարգացրել են այնքան, որ դա Հայաստանում դարձել է մտածողություն, իսկ դրանից դուրս հայացքը՝ քաղաքական տաբու, դավաճանություն։
