Լրագրող Նաիրի Հոխիկյանը գրում է.
Տեղեկություն է տարածվում, որ Կապանից լսվում են կրակոցի, հրետանու ձայներ, որոնք, ըստ տարածքային տրամաբանության, պետք է լինեն Արցախի հարավային գրավյալ Կովսականի շրջանում։
Չմոռանանք, որ 2021-ից հենց այդ շրջանում Իսրայելը սկսեց կառուցել այսպես կոչված «խելացի գյուղեր», որոնք իբր թե պիտի ապահովեին ապագա բնակիչների կենսական հարցերի արագ ու որակյալ լուծում, այնինչ նույնիսկ իրանական մեդիան էր պարբերաբար ասում, որ հրեաների կառուցած այդ «խելացի գյուղերում» իրականում տեղավորված են իսրայելական հատուկ ծառայությունները, ինչպես նաև Հադրութի շրջանում։
Հավանաբար իսրայելական խելացի գյուղերը հիմա գյուղմթերք են ստանում պարսիկներից, ու հրետանու ձայները հավանաբար դրա վկայությունն են։
Տեղ համայնքի բնակիչները ԱԺ «Հայաստան» խմբակցության պատգամավոր Աննա Գրիգորյանին հայտնել են, որ կրակոցները լսվում են Նախիջևանի կողմից, բայց թե որ հատվածում է՝ ասել չեն կարող:
