Հովհաննավանքի ինքնակոչ ու կեղծ պատարագից 3 օր անցել է, բայց մարդկանց հետաքրքրում է՝ ովքե՞ր էին կարգալույծ Ստյոպա Ասատարյանի հետ «պատարագ մատուցող» «դպիրներն ու սարկավագները»։
Պարզ է, որ աստվածավախ ու բարեպաշտ մարդը չէր համաձայնի կարգալույծի հետ պատարագ անց կացնել այն էլ այն դեպքում, երբ օծյալ քահանաներին ու մյուս հոգևորականներին կարգալույծ արված ինքնահռչակ «քահանան» բառացիորեն վտարել էր Հովհաննավանքից՝ ունենալով անձամբ Փաշինյանի հովանավորությունն ու նրանից ստանալով իր անձը ֆիզիկապես պաշտպանող հարյուրավոր ոստիկանների, ՊՊԾ աշխատակիցների աջակցությունը։
Մինչ օրս ոստիկանական ուժերը լցված են Հավհաննավանքի տարածքում ու շարունակում են թիկնապահի դեր կատարել Ստյոպա Ասատրյանի համար, իսկ նա եկեղեցու կողպեքը փոխել է ու քահանաներին թույլ չի տալիս մտնել Հովհաննավանք ու իրենց ծառայությունն իրականացնել։
Պարզվում է՝ հոկտեմբերի 26-ի «պատարագը» մատուցող «դպիրներից» մեկը երիտասարդ քպ-ական է, որը նաև քպ-ականների ֆուտբոլային թիմի կազմում է։
Ստյոպա Ասատրյանի հետ ինքնակոչ պատարագը մատուցելու համար դպիրներ ու սարկավագներ հավաքելիս անգամ հաշվի չի առնվոլ, որ այս երիտասարդ քպ-ականի պարանոցին օձի դաջվածք կա։
«Պատարագի» տեսանյութերում քպ-ական «դպիրի» դաջվածքը պարզ երևում է։
Կամ «դպիրներ» հավաքելու գործընթացը ոտքի վրա, արագ ու որպես կանոն՝ այնքան փնթի է արվել, որ օձի դաջվածքը «պատարագի կազմակերպիչները» չեն նկատել, կամ նկատել են ու դաջվածքով քպ-ականին են «դպիր» ընտրել։
Բացառված չէ, որ ամեն ինչ պղծող, ավանդական, ազգային արժեքների, հազարամյակների պատմություն ունեցող հաստատված օրենքների ու կանոնների վրա թքած ունեցող իշխանությունները «կրթվելու պես նորաձև» դարձնեն նաև դաջվածք ունեցող «հոգևորականների» ծառայությունները։
Ի՞նչ կա որ… այս խմբակից ու հատկապես նրա ղեկավարից ամեն ինչ սպասելի է՝ թող հոգևորականը դաջվածք ունենա, օձ, սատանա, մողես, Լյուցիֆեր դաջի մարմնի երևացող ու չերևացող հատվածներում ու դառնա «նոր Հայաստանի» հոգևորական։
