Դեսպան Քվինը ծաղիկներ դրեց Ծիծեռնակաբերդի հուշահամալիրի անմար կրակի մոտ՝ հարգանքի տուրք մատուցելով զոհված հայերի հիշատակին. հայտնում են ՀՀ-ում ԱՄՆ դեսպանատնից։
Հայոց ցեղասպանության 110-րդ տարելիցի կապակցությամբ Հայաստանում ԱՄՆ դեսպան Քրիստինա Քվինն այսօր շատ ավելի վաղ է այցելել Ծիծեռնակաբերդ, բայց դեսպանությունը միայն ապրիլի 24-ին՝ ժամը 22։12-ին է հայտարարություն տարածել դեսպանի այցի մասին։
Նշենք, որ հայտարարության մեջ չի գործածվել Հայոց ցեղասպանություն եզրույթը, չի գործածվել անգամ Մեծ եղեռն եզրույթը, ինչը ավանդաբար գործածել է Դոնալդ Թրամփն իր նախորդ պաշտոնավարման ընթացքում՝ խուսափելով հայրի հետ կատարվածն անվենալ Ցեղասպանություն։
Ի՞նչ է նշանակում «հարգանքի տուրք մատուցելով զոհված հայերի հիշատակին»։ Ինչո՞ւ են հայերը զոհվել, ո՞ր դեպքերի մասին է խոսքը, ե՞րբ ու որտե՞ղ է դա տեղի ունեցել. ՀՀ-ում ԱՄՆ դեսպանատնից ստացվել է ոչինչ չասող, լղոզված, անհասցե, բովանդակությունից զուրկ մեկ տողանոց հաղորդագրություն։
Ավելի լավ կլիներ՝ ոչ մի հաղորդագրություն չտարածել, քան գրել այդ նվաստացուցիչ մեկ տողը։
