Սահմանամերձ բնակավայրերում ապրող պայմանգրային զինծառայողները կարող են ընտրել իրենց ծառայության վայրը և ծառայել հենց իրենց բնակավայրում. ԱԺ-ում Կառավարության հետ հարցուպատասխանի ժամանակ հայտնեց Պաշտպանության նախարար Սուրեն Պապիկյանը։
Նա հավելեց, որ եթե զինծառայողն ուզում է շարունակել ծառայությունը, կարող է 6 ամիս հետո դիմել իր վերադասին, որպեսզի հետագա ծառայության 5 տարին անցկացնի սահմանամերձ իր բնակավայրին մոտ գտնվող զորամասում։
Սա «Պաշտպան հայրենյաց» ծրագիրն է, որի շրջանակում ծառայում են պայմանագրային զինծառայողները։
«Այո, հնարավորություն կա պայմանագրային դառնալուց հետո վերադառնալ իր բնակավայրին մոտ և իր հետագա հնգամյա պայմանագրային ծառայությունը անցկացնել իր բնակավայրին մոտ»,- ասաց նա:
