«Խոր ցավով տեղեկացանք, որ Հերոսի մահով սեպտեմեբերի 12-ին ադրբեջանական ագրեսիայի հետևանքով ընկել է մեր եղբայր, դարպասապահ Կարեն Կարապետյանը»,-տեղեկացնում են «Շիրակ» ֆուտբոլային ակումբից։
Կարենը եղել է դիրքի ավագը և մինչև վերջ կռիվ է տվել թշնամու դեմ՝ ամուր պահելով մեր Հայրենիքի դարպասը։
Հարազատները Կարեն Կարապետյանին արդեն մեկ ամիս փնտրում էին։ Նա ժամկետային զինծառայող էր, համարվում էր անհետ կորած, սակայն այսօր պարզվել է, որ սեպտեմբերյան պատերազմական գործողությունների ժամանակ Կարենը զոհվել է։
