2019 թվականից սպաներին բնակարան հատկացնելու ծրագիրը չի գործում։ ՊՆ-ն փորձում է լուծել միայն հերթագրվածների խնդիրները. պատասխանելով քաղաքացիների հարցերին՝ ասել է Պաշտպանության նախարար Սուրեն Պապիկյանը։
Նա, մասնավորապես, նշել է. «Միակ լուծումը, որ կարող է առաջարկել ՊՆ-ը, կրկին վերադառնալ ԶՈւ, հնարավորություն ունենալ օգտվել մեկ այլ ծրագրից՝ զինծառայողներին հիպոտեկային արտոնյալ ծրագրից»։
Պապիկյանը նաև հավելել է, որ պահեստազորի սպաները կարող են վերադառնալ ծառայության ՀՀ պաշտպանության նախարարի հրամանով սահմանված որոշակի զորամասերում՝ պահպանելով զինվորական կենսաթոշակ ստանալու իրավունքը:
