Մեկ օրվա ընթացքում արձանագրվել է 10 վթար. 12 մարդ ստացել է վնասվածքներ

114

Ըստ ոստիկանության օպերատիվ հաղորդագրությունների ամփոփագրերի` մայիսի 13-ից 14-ը Հայաստանի Հանրապետության ոստիկանության ստորաբաժանումները բացահայտել են հանցագործության 46 դեպք, որից 2-ը՝ նախկինում կատարված։

Մասնավորապես՝ անձնական ունեցվածքի գողության՝ 12, խարդախության՝ 10, մարմնական վնասվածք պատճառելու՝ 7, բնակարանային գողության, յուրացման կամ վատնման, զենք-զինամթերքի առգրավման և ապօրինի ծառահատման՝ 2-ական, սպանության փորձի, դրամանենգության, համակարգչային հանցագործության, թմրամիջոցի հայտնաբերման, 16 տարին չլրացած անձի հետ սեռական հարաբերություն ունենալու, մշակումն արգելված թմրանյութեր պարունակող բույսեր ապօրինի աճեցնելու և սուտ մատնության՝ 1-ական դեպք։

Հայտնաբերվել է 2 հետախուզվող։ Կամավոր ներկայացել է 2 հետախուզվող։
Գրանցվել է զենք-զինամթերքի կամավոր հանձնման 3 դեպք։

Նախկինում կատարված հանցագործություններից բացահայտվել է բնակարանային գողության, գողության և գույքը դիտավորությամբ վնասելու 1-ական դեպք։

Անցած 1 օրվա ընթացքում հանրապետությունում արձանագրվել է ճանապարհատրանսպորտային 10 պատահար. 12 մարդ ստացել է տարբեր աստիճանի մարմնական վնասվածքներ: