Ֆրանսիային անհանգստացնում են Դոնբասում ուկրաինական բանակի կողմից թուրքական Bayraktar անօդաչու թռչող սարքի կիրառման վերաբերյալ տեղեկություններիը, հինգշաբթի օրը հայտնել է Ֆրանսիայի ԱԳՆ պաշտոնական ներկայացուցիչը։
«Մենք անհանգստացած ենք Ուկրաինայի արևելքում ռազմական գործողությունների աճով, այդ թվում՝ ծանր սպառազինությունների հաճախակի կիրառմամբ, որոնք արգելված են Մինսկի համաձայնագրերով, ինչպես նաև Bayraktar հարվածային անօդաչու թռչող սարքի օգտագործման մասին ուկրաինական բանակի գլխավոր շտաբի հայտարարությամբ»,- ասել է դիվանագետը։
«Ֆրանսիան Գերմանիայի հետ միասին կշարունակի ջանքերը նորմանդական ձևաչափի շրջանակներում՝ Մինսկի պայմանավորվածությունների լիակատար իրականացման նպատակով, որոնք միակ համաձայնեցված հիմքն են Դոնբասում հակամարտության երկարաժամկետ կարգավորման համար»,- նրա խոսքերը հաղորդում է ՏԱՍՍ-ը։
