Սա կրիաների ամենամեծ «հավաքն» է մոլորակի վրա: Նոր կադրերը ցույց են տալիս հարյուր հազարավոր հարավամերիկյան գետերի կրիաների ձագերի տեղաշարժը:
Սեպտեմբերի վերջից սկսած մոտ 80,000 չափահաս էգ կրիաներ հավաքվում են տեղական բնադրող լողափերում՝ փորելու և ձու դնելու համար: Կրիաները սկսել են ձվերից դուրս գալ դեկտեմբերի կեսերին, ինչը շարունակվել է նաև հունվարին:
Երբ կրիաները դուրս են գալիս, նրանք սողում են ավազի երկայնքով, նախքան գետում ցրվելը:
Բնադրող լողափերը Գուապորե Իտենեզ գետի երկայնքով գտնվում են Բրազիլիայի և Բոլիվիայի սահմանին:
Բնապահպաններն ասում են, որ երկու երկրների միջև կոորդինացումը կարևոր է տեսակների պաշտպանության համար և հույս ունեն նրանց համար ինչ-որ պահպանվող տարածք ստեղծել:
Wildlife Conservation Society-ն աշխատել է գիտնականների հետ՝ օգտագործելու այնպիսի տեխնոլոգիաներ, ինչպիսիք են դրոնները և ջերմային պատկերները, որպեսզի գնահատեն այնտեղ տեսակի պոպուլյացիան: Սակայն հույս կա, որ շուտով կկարողանանք օգտագործել արհեստական ինտելեկտը՝ կրիաների հաշվման գործընթացը ավտոմատացնելու համար:
