Երկիրը դրամատիկ իրավիճակում է հայտնվել, և պարոն Թաթոյանի հետ որոշել ենք պատասխանատվություն վերցնենք ու գնանք առաջ. ոչ թե իշխանություն վերցնենք՝ իշխանությունը վայելելու համար, այլ երկրի համար հարց լուծենք, Տավուշի մարզի Շամախյան համայնքում՝ իր հարազատ գյուղում, բնակիչների հետ այսօրվա հանդիպման ժամանակ ասաց «Միասնության թևեր» կուսակցության կառավարման խորհրդի անդամ Դավիթ Անանյանը։
«Սա մեծ մարտահրավեր է բոլորիս համար։ Մեր ժողովրդի, մեր հայրենիքի համար այս պահը պատմական է։ Սա ոչ թե հերթական ընտրություն է, այլ մի կետ, որը կարող է դառնալ կա՛մ վերջակետ, կա՛մ սկզբնակետ։ Մենք պիտի որոշենք՝ դա սկզբնակետն է մի լուսավոր, պայծառ բանի, թե վերջակետն ա այս պամության, պետության ու ժողովրդի։ Բոլորիցս է կախված։
Հիմա մենք շրջում ենք Հայաստանով մեկ, խոսում մեր ժողովրդի հետ, մեր մտքերն ասում, մարդկանցիցի ջերմություն ստանում, որովհետև մեր ուժը ձեր բոլորի մեջ է։ Մենք ոչ մեկին չենք հարում, ոչ մեկի հետ ուղղակի կապ չունենք. մենք մեր ժողովրդի հետ զրուցում ենք ու ասում ենք, որ յուրաքանչյուրի ձայնը մեզ համար լրացուցիչ ուժ է»,- ասաց Վարդան Անանյանը։
