ԱՄՆ-ն առաջատար է արհեստական բանականության տեխնոլոգիաների հետազոտության մեջ, որին նպաստում է այդ թվում մրցակցությունը մասնավորապես Ռուսաստանի Դաշնության և ՉԺՀ-ի հետ: Այդ մասին հինգշաբթի մամուլի ասուլիսում լրագրողներին ասել է Պենտագոնի արհեստական բանականության հետազոտությունների միացյալ կենտրոնի տնօրեն, գեներալ-լեյտենանտ Մայքլ Գրոնը, հայտնում է ՏԱՍՍ-ը:
«Մենք իսկապես ունենք [այդ ոլորտում] լիակատար գերազանցություն, մենք օգտագործում ենք արհեստական բանականությունը և նոր տեխնոլոգիական մոտեցում ամենաբարդ խնդիրների լուծման համար», ասել է նա:
Գեներալի խոսքերով՝ Պենտագոնը և ԱՄՆ անվտանգության ծառայությունները արհեստական բանականության տեխնոլոգիաներն ընկալում են որպես «իրենց ռազմական գերազանցությունը» պահպանելու և բարձրացնելու հնարավորություն: Այս տեխնոլոգիաները Պաշտպանության նախարարությունը ակտիվորեն ներմուծում է տարբեր զորքերում, մասնավորապես Միացյալ Նահանգների ռազմածովային ուժերում:
