Չինաստանը դեմ է ԱՄՆ-ի և Թայվանի միջև ցանկացած ռազմական և պաշտոնական շփման, ինչպես նաև Թայվանի գործերին Վաշինգտոնի միջամտությանը, հինգշաբթի ճեպազրույցում ասել է Չինաստանի ԱԳՆ ներկայացուցիչ Վան Վենբինը։ Դիվանագետի խոսքով՝ ԱՄՆ-ՉԺՀ հարաբերությունների հիմքում ընկած է «մեկ Չինաստան» սկզբունքը։
Ավելի վաղ Թայվանի վարչակազմի ղեկավար Ցայ Ինվենը CNN-ին տված հարցազրույցում հաստատել էր, որ ամերիկյան զորքերը կղզում ներկա են թայվանական ուժերին վարժեցնելու համար։ Նա նաև հայտարարել է, որ Չինաստանից եկող վտանգը օրեցօր ավելանում է, և նշել, որ հավատում է ԱՄՆ-ի աջակցությանը հարձակման դեպքում, հայտնում է ՌԻԱ գործակալությունը։
