ՌԴ նախագահ Վլադիմիր Պուտնինը Բայդենի հայտարարությունները մեկնաբանել է անուն կոչելու մասին մանկական ասացվածքով։
«Հիշում եմ, երբ մանկության տարիներին բակում վիճում էինք միմյանց հետ, ասում էինք. «Ով ինչպես անվանում է, ինքն այդպես էլ կոչվում է», ասել է ՌԴ նախագահը: Նրա կարծիքով, «սա պատահական չէ, սա պարզապես մանկական ասացվածք և կատակ չէ, այնտեղ կա շատ խորը, հոգեբանական իմաստ»:
«Մենք այլ մարդու մեջ միշտ տեսնում ենք մեր սեփական որակները և կարծում ենք, որ նա նույնն է, ինչ մենք ենք, և դրա հիման վրա մենք գնահատում ենք նրա գործողությունները և ընդհանրապես գնահատական տալիս», Պուտինի խոսքերը հաղորդում է ՏԱՍՍ-ը:
