Ղրղզստանի կրթության և գիտության նախարար Ալմազբեկ Բեյշենալիևը և Ռուսաստանի կրթության նախարար Սերգեյ Կրավցովը երկուշաբթի օրը Բիշքեկում կայացած հանդիպման ժամանակ ստորագրել են հանրապետության տարածքում համատեղ կրթական ենթակառուցվածք ստեղծելու մասին արձանագրություն: Այս մասին հայտնում է ՏԱՍՍ-ը:
Ծրագիրը նախատեսում է նաև Ղրղզստանում ռուսերեն ուսուցման լեզվով մի քանի դպրոցների կառուցման տիպային նախագծի մշակում: Այս մասին պայմանավորվածություն է ձեռք բերվել հանրապետության նախագահ Սադիր Ժապարովի փետրվարի 24-25-ը Մոսկվա կատարած այցի ընթացքում:
