Ղրիմի մի շարք քաղաքներում և շրջաններում հեղեղների պատճառ դարձած հորդառատ անձրևներից վնասի չափը կազմում է 4,6 միլիարդ ռուբլի: Այս մասին ուրբաթ օրը «Ռոսիա-24» հեռուստաալիքի եթերում հայտարարել է Ռուսաստանի Դաշնության փոխվարչապետ Մարատ Խուսնուլինը:
Ղրիմը երկու անգամ տուժեց հորդառատ անձրևներից՝ հունիսի 16-20-ը և հուլիսի 4-ին։
«Դրանք ճանապարհներն են, տանիքների վերանորոգումը, վթարային բնակարանների փոխարինումը, հեղեղված բնակարանների վերանորոգումը», ասել է նա։ ՌԴ փոխվարչապետը նշել է, որ միջոցների հատկացման խնդրանքը կուղարկվի ֆինանսների նախարարությանը և երկրի ղեկավարությանը:
