Կին ակտիվիստները երթ են անցկացրել Քաբուլում՝ պահանջելով հարգանք իրենց իրավունքների նկատմամբ և հավասարություն տղամարդկանց հետ: Այս մասին հայտնում է ՏԱՍՍ-ը՝ վկայակոչելով տեղական Hasht e Subh Daily թերթը:
Բողոքող կանայք, ինչպես նշում է թերթը, պաստառներ էին կրում «կանանց և տղամարդկանց իրավունքները հավասար են», «կրթություն, աշխատանք, ազատություն. [ճանապարհ] դեպի բարգավաճում» կարգախոսներով: Երթի մասնակիցների թիվը չի նշվում:
Ցույցը, ինչպես նշում է գործակալությունը, տեղի է ունեցել «Թալիբան» շարժման ներկայացուցիչ Զաբիհուլլա Մոջահիդի հայտարարության ֆոնին՝ այն մասին, որ կանայք նախարարական պաշտոններ չեն զբաղեցնի Աֆղանստանի նոր կառավարությունում:
