Լիբանանի վարչապետ Նաջիբ Միքաթին հոկտեմբերի 15-ը սգո օր է հայտարարել Բեյրութում հրաձգության հետևանքով զոհվածների համար, ասված է Լիբանանի կառավարության գրասենյակի տարածած հայտարարության մեջ:
Այս օրը փակ կլինեն բոլոր պետական հաստատությունները, ինչպես նաև պետական ու մասնավոր դպրոցները:
Հինգշաբթի օրը Բեյրութում կրակոցներ եղան, որոնք սկսվել էին 2020 թվականի նավահանգստի պայթյունի հետաքննությունից դժգոհ շիա կուսակցությունների բողոքի ցույցերի ժամանակ: Ականատեսների վկայությամբ՝ անկարգությունները հրահրել են դիպուկահարները, ովքեր կրակ են բացել տանիքներից, գրում է ՏԱՍՍ-ը: Արդյունքում առնվազն վեց մարդ է զոհվել, մի քանի տասնյակ մարդ տուժել է:
