Ռուսաստանի արտգործնախարար Սերգեյ Լավրովը Շանհայի համագործակցության կազմակերպության արտգործնախարարների խորհրդի նիստի շրջանակներում հանդիպել է Պակիստանի արտաքին գործերի նախարար Շահ Մեհմուդ Քուրեշիի հետ:
«Ուզում եմ կրկին շնորհակալություն հայտնել իմ պատվիրակությանը ցուցաբերած հյուրընկալության համար, երբ այս տարի այցելել էի Իսլամաբադ:․․․ Ես կցանկանայի քննարկել, թե ինչպես են զարգանում այն խնդիրները, որոնք մենք ավելի վաղ քննարկեցինք Իսլամաբադում», ասել է ռուս նախարարը ՝ բացելով հանդիպումը:
Ռուսաստանի արտգործնախարարը ապրիլի 6-7-ը աշխատանքային այցով մեկնել էր Իսլամաբադ: Բանակցություններից հետո ռուսական կողմը հաստատեց իր պատրաստակամությունը՝ ուժեղացնելու Պակիստանի հակաահաբեկչական ներուժը, այդ թվում ռազմական տեխնիկայի մատակարարման միջոցով:
