Ռուսաստանը խնդիրներ է տեսնում կապված նացիզմի հերոսացման և նեոնացիզմի դրսևորումների հետ ԵՄ-ում և ՆԱՏՕ-ում, ինչպես նաև Ուկրաինայում: Այդ մասին Բաքվում կայացած մամլո ասուլիսում հայտարարել է Ռուսաստանի արտգործնախարար Սերգեյ Լավրովը:
«Նեոնացիզմի դրսևորումների, նացիստներին հերոսացնելու փորձերի վերաբերյալ մեր դիրքորոշումը շատ պարզ է և միանշանակ. որտեղ էլ պատահի, մենք խստորեն դատապարտում ենք դա: Այս առումով մենք տեսնում ենք հատուկ խնդիրներ ԵՄ-ի և ՆԱՏՕ-ի տարածքում, հատկապես Բալթյան երկրներում, Ուկրաինայում, այդ կառույցների որոշ պետություններում», ասել է նախարարը:
Լավրովը հիշեցրել է, որ հենց Ռուսաստանն է նախաձեռնել նացիզմի փառաբանման անթույլատրելիության մասին ամենամյա բանաձևը, որն ընդունվել է ՄԱԿ-ի Գլխավոր ասամբլեայում:
