Իսրայելի Պաշտպանության բանակի մամուլի ծառայությունը չորեքշաբթի հրաժարվել է մեկնաբանել մամուլում հայտնված հաղորդագրությունները Իսրայելի ռազմաօդային ուժերի կողմից Սիրիայի մայրաքաղաք Դամասկոսի արվարձանում թիրախներին հարվածելու մասին:
«Մենք չենք մեկնաբանում արտասահմանյան լրատվամիջոցների հաղորդագրությունները», – ՏԱՍՍ-ի հարցմանը հեռախոսով պատասխանել է Իսրայելի բանակի մամուլի ծառայության ներկայացուցիչը։
Չորեքշաբթի ավելի վաղ SANA գործակալությունը հայտնել էր, որ Իսրայելի ռազմաօդային ուժերը հրթիռային հարված են հասցրել Սիրիայի մայրաքաղաք Դամասկոսի մոտ գտնվող Զաքիա շրջանի թիրախին։ Գործակալության համաձայն՝ հարձակման արդյունքում պատճառվել է «սահմանափակ նյութական վնաս»։
