Ավստրալիայի կառավարության խաբեությունը՝ միակողմանիորեն չեղարկելը 2016 թվականին Ֆրանսիայի հետ կնքված սուզանավերի պայմանագիրը, միտումնավոր էր։ Այս մասին չորեքշաբթի Ավստրալիայի ազգային մամուլի ակումբում ելույթի ժամանակ ասել է Ավստրալիայում Ֆրանսիայի դեսպան Ժան-Պյեռ Տեբոն։
Նա հիշեցրել է, որ 2021 թվականի օգոստոսի 30-ին՝ պայմանագրի խզումից երկու շաբաթ առաջ, Ավստրալիայի արտգործնախարար Մարիս Փեյնը կոմյունիկե է ստորագրել իր ֆրանսիացի գործընկերոջ հետ, որում «ընդգծվում է Ֆրանսիայի հետ սուզանավերի կառուցման վերաբերյալ համաձայնագրի կարևորությունը»։
«Հանդիպելով այլընտրանքային գործարքի հետ կապված անորոշությանը՝ ավստրալական իշխանությունները պետք է պահեին Ֆրանսիայի հետ պայմանագրի շարունակման հնարավորությունը, և, հետևաբար, մեզ մթության մեջ պահելը անհրաժեշտություն էր», – նրա խոսքերը հայտնում է ՏԱՍՍ-ը:
