«Իսլամական պետություն» ահաբեկչական խմբավորումը ստանձնել է Աֆղանստանի էլեկտրակայանում տեղի ունեցած պայթյունի պատասխանատվությունը, որի հետևանքով Քաբուլը մնացել է առանց էլեկտրականության, հայտնում է ՌԻԱ գործակալությունը՝ վկայակոչելով խմբավորման հայտարարությունը։
Ավելի վաղ Աֆղանստանի պետական էներգետիկ կորպորացիան հայտնել էր, որ Աֆղանստանի մայրաքաղաք Քաբուլը և Աֆղանստանի մի քանի այլ նահանգներ մնացել են առանց էլեկտրականության՝ քաղաքից հյուսիս-արևմուտք էլեկտրակայանում տեղի ունեցած պայթյունի պատճառով։
Խմբավորումը հայտնել է, որ ահաբեկիչները պայթեցրել են մայրաքաղաքի հյուսիսային թաղամասում տեղակայված էլեկտրահաղորդման գծերի հենասյուները՝ նպատակ ունենալով վնասել երկրի էլեկտրաէներգիայի ոլորտին։ Աղբյուրների համաձայն՝ էլեկտրահաղորդման գծերը ցանցին կմիանան մինչև շաբաթ երեկո։
