Աշխարհում ինը մարդ դարձել է դոլարային միլիարդատեր կորոնավիրուսի պատվաստանյութերի արտադրությունից ստացված եկամուտների շնորհիվ: Այս մասին հինգշաբթի ասվում է People’s Vaccine Alliance հասարակական կազմակերպության պատրաստած զեկույցում։ Կազմակերպությունը վկայակոչում է ամերիկյան Forbes ամսագրի տվյալները:
Զեկույցի համաձայն, նոր միլիարդատերերի ցուցակը գլխավորել են Moderna ամերիկյան ընկերության ղեկավար Ստեֆան Բանսելը և BioNTech գերմանական ընկերության գործադիր տնօրեն ու համահիմնադիր Ուգուր Շահինը: Նրանց կարողությունն այժմ գնահատվում է համապատասխանաբար 4,3 միլիարդ դոլար և 4 միլիարդ դոլար:
Վարկանիշում ներառված են նաև Moderna-ի տնօրենների խորհրդի նախագահ Նուբար Աֆեյանը, ամերիկացի ներդրողներ Թիմոթի Սպրինգերը, Ռոբերտ Լանգերը և այլն։
Նշվում է, որ նոր միլիարդատերերի համատեղ կարողությունը գնահատվում է 19,3 միլիարդ դոլար: Պնդում է արվում, որ այդ գումարը բավարար կլիներ ցածր եկամուտ ունեցող երկրների ամբողջ բնակչությանը պատվաստելու համար:
